સુરેન્દ્રનગર જિલ્લો સાફલ્યગાથા

        સુરેન્દ્રનગર જિલ્લા પોલીસ દ્રારા સુરક્ષા સેતુ સોસાયટી અંતર્ગત પોલીસ અને પ્રજા વચ્ચે મિત્રતાનો સેતુ રચવાના પ્રયાસ રૂપે ભવ્ય લોકડાયરાનું અનેરૂ આયોજન સુરેન્દ્રનગર ખાતે પોલીસ પરેડ ગ્રાઉન્ડમાં કરવામાં આવેલ હતું. જેમાં સુરેન્દ્રનગર જિલ્લા પોલીસ તરફથી લોક ડાયરાના ભવ્ય આયોજન નિમીતે તમામ જાહેર જનતાને પધારવા હાર્દિક આમંત્રણ આપવામાં આવેલ. આ ભવ્ય લોક ડાયરામાં કિર્તીદાનભાઇ ગઢવી, મિતલબેન ગઢવી, માયાભાઇ આહિર, ભરતદાન ગઢવી, હરેશદાન સુરૂ વિગેરે નામી અનામી કલાકારોને બોલાવવામાં આવેલ હતા. આ પ્રસંગે સુરેન્દ્રનગર જીલ્લા કલેકટરશ્રી, રાજકોટ રેન્જના ડી.આઇ.જી.પી. શ્રી ડી.આર.પટેલ સાહેબ, સુરેન્દ્રનગર જીલ્લા પોલીસ વડા શ્રી આર.વી.અસારી સાહેબ તેમજ જીલ્લાના તમામ નાયબ પોલીસ અધિક્ષકશ્રીઓ, તથા અન્ય અધિકારીશ્રીઓ તેમજ કર્મચારીશ્રીઓ હાજર રહેલ હતા. તેમજ આ પ્રસંગે સુરેન્દ્રનગર જીલ્લાના પદાધિકારીશ્રીઓ માનનીય ધારાસભ્યશ્રી વર્ષાબેન દોશી, સુરેન્દ્રનગર દુધરેજ નગરપાલીકા પ્રમુખશ્રી વિપીનભાઇ ટોળીયા વિગેરે નાઓ પણ હાજર રહેલ હતા. આ ભવ્ય લોકડાયરામાં જાહેર જનતા પણ બહોળી સંખ્યામાં હાજર રહેલ અને લાભ લીધેલ.